“Aqropat” Məhdud Məsuliyyətli Cəmmiyyəti 2017-ci ildən fəaliyyət göstərir. Əsas fəaliyyət istiqamətləri bağçılıq və əkinçilikdir. İlk meyvə bağı 2017- 2018- ci illərdə Avropa təcrübəsi əsasında, ən müasir tələblər səviyyəsində 110 hektar sahədə salınmışdır. Avropadan gətirilərək intensiv üsulla əkilən müxtəlif növ meyvə fidanlarına aqrotexniki və aqrokimyəvi qulluq avropalı mütəxəssislər tərəfindən aparılmışdır. Növbəti illərdə yeni əkilən fidanlar hesabına bağın ümumi sahəsi 2019-cu ildə 60 hektar artırılaraq 170 hektara, 2020-ci ildə 220 hektara, 2022-ci ildə isə 300 hektara çatdırılmışdır. 2021- ci ildən başlayaraq istehsal edilmiş məhsullar – ərik, şaftalı, nektarin, gilas, armud, xurma, alça və digər meyvələr daxili bazarlara göndərilməklə yanaşı, xaricə də ixrac olunmuşdur. İxrac həcminin ilbəil artması, məhsulun keyfiyyət parametrlərinin yüksəkliyindən, istehlakçı rəğbəti qazanmasından xəbər verir. “Aqropat” MMC Qarabağın ən səfalı guşələrindən biri olan Tərtər rayonunda fəaliyyət göstərir.
Veb sayt 2023-cü ildə NS Studio tərəfindən hazırlanmışdır.
