Mobil tətbiqlər

BPA Akademiyası üçün İmtahana Hazırlıq Mobil Tətbiqi

Xidmət Mobil Tətbiqlərin Hazırlanması

Canlı keçidlər

Android tətbiq

iOS tətbiq

Layihə haqqında

BPA — Bakı Peşəkarlar Akademiyası müəllimləri və abituriyentləri MİQ, sertifikasiya və qəbul imtahanlarına hazırlayır. Akademiya üçün hazırladığımız mobil tətbiq bu hazırlığı auditoriyadan çıxarıb tələbənin telefonuna gətirir: dərslər, sınaqlar və nəticələr indi hər an əl altındadır.

İmtahana hazırlaşan insanın ən böyük ehtiyacı müntəzəmlikdir: materialı vaxtında təkrarlamaq, özünü sınamaq və harada geri qaldığını görmək. Ona görə tətbiqi sadəcə dərs arxivi kimi deyil, hazırlığı gündəlik vərdişə çevirən alət kimi qurduq.

Nəticədə akademiyanın kursları, test bazası və hər tələbənin irəliləyişi vahid tətbiqdə birləşdi. Tətbiq Google Play və App Store-da yayımlanıb və NS Studio-nun mobil tətbiqlərin hazırlanması istiqamətindəki işlərindən biridir.

Motivasiya Yaradan Dizayn və Aydın Nəticələr

Təhsil tətbiqində ilk təəssürat həlledicidir: tələbə ilk dəqiqədə tətbiqin ona nə verəcəyini anlamalıdır. Buna görə tətbiq qısa və aydın tanışlıq ekranları ilə açılır — imtahan növləri, ödənişli və ödənişsiz bölmələr ilk baxışdan görünür, giriş isə e-poçtla, sadə formada aparılır.

Dərslərin içində məqsəd tələbəni seçimlər arasında azdırmamaq idi. Hər mövzu eyni ardıcıllıqla qurulub, nəticələr isə rəqəm və rənglə dərhal oxunur:

Qoşulduğum dərslər — tələbənin kursları və yeniliklər əsas ekranda bir baxışda
Mövzu izahları və sınaqlar — materialı oxumaq və dərhal özünü yoxlamaq eyni yerdə
Canlı yayımlar, səsli izahlar və PDF-lər — hər tələbə özünə rahat formatı seçir
Nəticələr və statistika — düzgün və səhv cavablar, net bal və aylıq irəliləyiş

Vizual dildə akademiyanın mavi rəngi əsas tondur, dairəvi uğur göstəriciləri və rəngli nişanlar isə irəliləyişi motivasiyaya çevirir. Bütün ekranlar NS Studio-nun UI/UX dizayn və brendinq yanaşması ilə hazırlanıb.

Hər Yerdə Öyrənmə, iOS və Android-də Eyni Təcrübə

Tətbiq iOS və Android üçün eyni təcrübə ilə hazırlanıb: tələbə hansı telefondan istifadə etməsindən asılı olmayaraq eyni dərslərə, eyni sınaqlara və öz nəticələrinə çıxış əldə edir.

Akademiya üçün tətbiq həm də tələbələrlə daimi əlaqə kanalıdır. Yeni dərslər və elanlar bildirişlərlə çatdırılır, ödənişli və ödənişsiz bölmələr isə yeni istifadəçinin akademiya ilə tanışlığını asanlaşdırır.

Struktur elə qurulub ki, yeni fənlər, kurslar və imtahan növləri mövcud tətbiqə toxunmadan əlavə olunsun. Eyni yanaşma ilə tədris mərkəzləri və akademiyalar üçün fərdi idarəetmə sistemləri də qururuq.

NS Studio-nun digər işləri ilə layihələr bölməsində tanış ola, öz tədris platformanız üçün oxşar həll barədə isə bizimlə əlaqə saxlaya bilərsiniz.

Əlaqəli xidmət