Brendinq
Döymə — mis emalatxanası üçün brend konsepti
Layihə haqqında
Döymə — NS Studio-nun daxili konsept layihəsidir: Lahıc misgərlik ənənəsindən ilhamlanan müasir mis qab emalatxanası üçün nümunə brend, müştəri sifarişi deyil.
Ad misin çəkiclə döyülməsindən gəlir. Brendin fikri: əl işi qab təkrarsızdır — hər zərbə bir iz, hər iz bir imzadır.
Layihə NS Studio-nun brendinq və loqo dizaynı yanaşmasını göstərir.
Çəkic izindən doğan loqo
İşarə «Ö» hərfidir: dairə mis sini, üstündəki iki nöqtə isə çəkic zərbələridir. Adın öz hərfi brendin simvoluna çevrilir.
Rənglər materialdan götürülüb: mis, kömür, patina və perqament. Başlıqlarda zərif Cormorant, məlumat mətnlərində Albert Sans işlədilir. Vizual sistem NS Studio-nun UI/UX dizayn və brendinq yanaşması ilə qurulub.
Qablaşdırma, kataloq və emalatxana
Qara hədiyyə qutusunda mis folqa ilə loqo, hər qabın etiketində nömrə, çəki və «qəlib yoxdur — hər qab təkdir» qeydi var. Qulluq kartı sadə məsləhət verir: yarım limon və bir çimdik duz.
Kataloq səhifəsi, vizit kartları və emalatxananın dairəvi lövhəsi eyni sakit, ağır və premium dili davam etdirir.
NS Studio-nun digər işləri ilə layihələr bölməsində tanış ola, öz brendiniz barədə isə bizimlə əlaqə saxlaya bilərsiniz.
Əlaqəli xidmət
Bənzər layihə istəyirsiniz?
Loqo dizaynı, korporativ üslub və UI/UX dizayn. Brendinizin xarakterini əks etdirən vizual kimlik və brendbuk. NS Studio ilə brendinizi quraq.
Digər layihələr
Hamısına bax
Ulduzçu — astronomiya klubu üçün brend konsepti
Ulduzçu — NS Studio-nun daxili konsept layihəsidir: uşaqlar üçün astronomiya klubuna nümunə brend, müştəri sifarişi deyil. Klubun fikri uşağın ən sevimli sualından başlayır: "Orada kim yaşayır?"…
