Veb saytlar

Azerçay — scroll hekayəli konsept sayt

Canlı keçidlər

Layihə haqqında

Azerçay üçün hazırladığımız bu sayt NS Studio-nun daxili konsept layihəsidir: müştəri sifarişi və rəsmi sayt deyil. Məqsəd tanınmış çay brendinin hekayəsini — bir stəkan çayın yarpaqdan stəkana qədər yolunu — scroll ilə açılan səhnələrlə danışmaq idi.

Çay Azərbaycanda adi içki deyil, süfrə mədəniyyətidir. Ona görə saytın əsasında dəmin ritmi durur: ziyarətçi tələsmədən Lənkəran-Astara torpağından yarpağa, emaldan dəmə və süfrəyə keçir.

Nəticədə çeşidləri, səbəti, dəmləmə taymeri və səs effektləri olan interaktiv sayt alındı. Konsept NS Studio-nun veb saytların hazırlanması istiqamətində brend saytlarına yanaşmasını göstərir. Azerçay ticarət nişanı Azersun Holding-ə məxsusdur, konseptin Azersun ilə əlaqəsi yoxdur.

Yarpaqdan Stəkana: Hekayə Ritmi və UX/UI Dizayn

Hekayə yeddi səhnədən ibarətdir: Torpaq, Yarpaq, Emal, Qutu, Çeşidlər, Dəm və Süfrə. Hər səhnə öz rəngi ilə açılır — çay plantasiyasının yaşılından dəmin tünd qırmızısına qədər.

Emal səhnəsi: soldurma, burma, fermentasiya və qurutma — yaşıl yarpağın qara çaya çevrilməsi addım-addım göstərilir.
Çeşidlər və səbət: Buket, Berqamotlu, Xalça və Yaşıl çay kartları, armudu stəkan formalı qutu və səbətə atma (konsept rejimində).
Dəmləmə taymeri: «Dəmi tələsdirməyin» səhnəsində 7–8 dəqiqəlik dəm və rəng şkalası: açıq, kəhrəba, tünd qırmızı.
Vizual dil: tünd qırmızı fon, qızılı vurğular, klassik serif şrift, xalça naxışı və armudu stəkan.

Son səhnə «Buyurun, çaya!» — qənd, limon və mürəbbə ilə süfrə — hekayəni Azərbaycan çay mədəniyyəti ilə tamamlayır.

Texniki İnkişaf: Scroll Səhnələri və Mobil Uyğunluq

Səhnələr kodla qurulub və scroll-a bağlı hərəkət edir: çay süzülür, buxar qalxır, səhnələr bir-birinə axıcı keçir. Səhnələr hazırlanarkən yüklənmə ekranı göstərilir, səs isə istəyə görə açılır.

Sayt kompüterdə də, telefonda da axıcı işləyir — mobil versiyada səhnələr şaquli ekrana uyğunlaşdırılıb. Rəsmi sayt olmadığı üçün konsept axtarış sistemlərindən gizlədilib (noindex).

Məhsulunuzun hekayəsini də belə danışa bilərik. Digər işlərimizə layihələr bölməsində baxa, layihənizi müzakirə etmək üçün bizimlə əlaqə saxlaya bilərsiniz.

Əlaqəli xidmət